胡杏兒滿分老公陪濕平零怨言

藝人胡杏兒與老公李乘德（Phil）去年底完婚之後，立即展開為期兩個月嘅蜜月之旅，依家佢哋已經去咗多個地方喪玩，去旅行又點少得血拼。

話口未完，兩公婆已經去咗美國洛杉磯，而杏兒亦急不及待去濕平，老婆買嘢，老公做乜好？咪乖乖等老婆囉！杏兒就上載一張Phil坐喺度等佢嘅相，仲留言：「老公等候區。」相中，Phil同其他血拼中女士嘅老公一齊耐心等候，場面趣緻，網民見到杏兒有個咁有耐性嘅老公，都話好羨慕啊！