傅穎自爆有拖拍　暗示係內地男

久未在港露面的傅穎（Theresa）穿上斗篷露腰裝出席大埔超級城活動，一臉春風得意的她自爆蜜運中，剛由北京返港的她透露剛在內地簽了新經理人公司，未來也會專注在內地發展，希望參與更多影視工作，至於音樂方面則由自己製作：「舊年比較懶，好多工作都拖延到2016年，好似出書、人形公仔、錄歌等工作，我應承咗粉絲都希望今年內可以實踐晒。」

「呢個年紀拍住先啦」

多年前Theresa配合她的漫畫散文集，曾經畫過一個公仔命名為pigsa，她表示今次會為公仔設計一個男朋友仔，問她可有為自己搵個男朋友？Theresa即甜笑怕醜點頭：「嗯！」隨即大方承認蜜運中，她笑說：「OK啦，咁大個人拍拖都正常。（佢係圈內？還是圈外人？內地還是港人？）細節唔講啦，大家問咗咁多年，咁關心我感情事，次次都唔係咁好消息仲係單身，呢個年紀拍住先啦。（會唔會閃婚？）唔會，暫時都冇結婚計劃。」

唔會秘婚

蜜運中的她被指收得很埋，她笑言到結婚時一定會同大家公布。對於記者連番追問感情事，Theresa笑說：「唔好問啦，我唔識答。（依家係咩階段？）OK，開心囉。」新年可會到男友家中拜年？她傻笑說：「唔識答。」但言談期不慎暗示對方應是內地人，至於情人節她則要在工作中度過。