高海寧唔覺用口剝蕉皮不文:下次用腳
無綫藝員高海寧與陳智燊到將軍澳一間小學為劇集《愛情食物鏈》宣傳,期間玩遊戲時,高海寧拿着香蕉由學生用口剝皮,似乎有教壞細路之嫌。高海寧笑說:「用口只係諗住冇咁容易剝開蕉皮,下次可能用腳添。(你都要用口剝蕉皮?)因為我箍牙,陳智燊好有風度幫我剝皮。(教壞細路?)檢討吓,下次玩啲簡單遊戲。」陳智燊亦表示只是玩遊戲,不要簡單複雜化。

認多師兄追

高海寧大受學生歡迎,連老師也找她合照。以學生妹裝扮示人的高海寧被問到以前校服裙是否也那麼短?她說:「以前我係風紀,校服裙要過膝。(多人追?)同級就冇,師兄就唔少,但冇一個成功,因為自己專心讀書。」陳智燊則自言讀男校,故沒有機會追女仔,不過沒懷疑過自己性取向。

唔介意緋聞被擺上枱

此外,期間高海寧與鄧智偉的緋聞被擺上枱,事緣劇情有場戲高海寧要引誘陳智燊,還打算咀對方,金剛在活動上即取笑高海寧可否當陳智燊是鄧智偉咁鍚吓,事後高海寧表示不介意,她說:「講笑啫,預計中,之前錄節目都畀佢不停咁笑,我個人好講得笑。」

最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!

最強娛樂APP「東網巨星」下載連結:
http://on.cc/redirect/entertainment