張可頤恨拍拖　望同另一半係好朋友關係

張可頤現身葵涌區中學「教烹飪」，與學生及家長們齊齊炮製薑汁年榚，笑言「暫時冇嘢啱我拍」的她透露忙於處理自己所成立的工作坊事宜：「好似幫啲學生同家長溝通咁，父母覺得子女難教，子女又唔想同父母傾心事。我遲啲仲會開設編劇、演戲等工作坊，反應好熱烈，會叫啲舊同事幫手教吓。」

可頤又謂到訪學校學生學業成績一般，但烹飪課表現卻裴然：「我想話畀佢哋聽，其實行行出狀元，可以向呢方面發展。我平日都透過煮嘢食去減壓，對住啲煲碟講嘢，煮得好又會讚吓自己。（想拍拖？）想呀，呢排凍凍地，都有啲朋友相處吓，但依家嘅年紀，要完完全全攞個心出嚟，似乎又難啲，我諗我第二時嘅另一半，會係好朋友［相處得舒服嘅好朋友］關係。」