捲欠債風波遭連環騷擾　伍倩彤報警求助

歌手岑日珈師妹「翻版陳瀅」伍倩彤（Gillian），日前疑被捲入金錢債務，多個公開網誌遭自稱疑似受委託追債男子不停留言「追數」，甚至致電騷擾其經理人及同事，經理人即時向Gillian了解，有感事態嚴重，勒令Gillian報警處理，由於當時Gillian身在上海工作，未能即時回港報警。

奪命Call連環騷擾

剛由上海返港的Gillian，在女助手陪同下到警署備案，她說：「件事嚴重影響我聲譽、工作、屋企人同公司同事，因為佢半奪命咁打畀我同同事，連爸爸媽咪都收到電話，姑姐都打嚟問我發生乜事，已經將對方電話封鎖咗同熄電話。」

慘遭前男友拖累

Gillian強調沒有欠債，她說：「了解完係前男友生意上同人有糾紛，前男友都有同我道歉話唔好意思。（驚唔驚再受騷擾？）再有就再尋求警方協助。」問到日後會否帶眼識男友？Gillian說：「會呀。」並坦言感氣憤：「我有叫前男友盡快處理件事，我唔想牽涉呢個風波影響工作，都幾無奈同嬲嬲哋。（擔唔擔心遭公司雪藏？）有同公司解釋與我無關，佢哋相信同支持我。」