隱形富婆小儀千萬買樓換新車等嫁
小儀在《愛》劇中擔正做女一飾演「佳芳」一角大受網民歡迎，指她雖然身材矮小兼外表平凡，但劇內與現實中同樣勝在識煮兩味，生財有道撐起頭家，對朋友又好，有晒「老婆Package」，故力推她為另類女神！
「落區」多人圍
小儀日前和金剛、王卓淇、C君及謝東閔等到銅鑼灣拍攝新一輯《街坊食神》，所到之處都有男女老幼排住隊跟小儀合照！親自「落區」的小儀認真識做，合照時表情多多又晒V，親民程度爆燈！
小儀拍完《街》後，有謝東閔和C君陪實行名店，不消半小時已掃得一大袋戰利品，之後駕駛約值34萬的Audi直返薄扶林寓所。其實小儀一向「愛回家」，最喜歡在家中鑽研廚藝，平時在電台收工後，十居其九都是直接返家，但她上周五（22日）駕車到觀塘整車，之後由車房工作人員送到九龍塘整頭，飛的到銅鑼灣與女性朋友開餐後便急急返歸。
雖然Dry缽冇打爛，但荷包濕潤，唔使靠男人一樣掂！黃金盛女小儀，多年來憑強勁口才狂吸金，至今單是司儀價至少20萬起跳，加上投資食店和七年前買下自住的薄扶林花園寓所現已升值至近千萬，絕對稱得上是圈中小富婆！
小儀接受訪問時表示，《愛》劇收視及口碑佳是始料不及，但未有因人氣急升而加強吸金力！她說：「市道太差，所以冇多咗廣告或商演，如果係早幾年，一定做到唔停手！今次反應咁好真係冇諗過。」
旺財唔旺仔
吸金力雖然未有大大提升，但小儀早已準備足夠彈藥，隨時再度入市買磚頭！她說：「住喺南區都有七年，為咗住近屋企人，都想喺南區買多層樓，千萬一定走唔甩！我已經儲咗筆錢，只要睇啱就去！」買樓又買車，揸了四年的Audi一樣要換，小儀表示有意購入一部價值30至40萬元的Mini Cooper Countryman系列新車，問到換車理由？她說：「之前嗰部兩門，唔方便載家人出入，所以想換部四門！」看來小儀不止有「老婆Package」，連「孝順女Package」都有埋！
但說到底錢是搵不完，小儀都想有日過二人世界：「之前啲男友怕記者跟，希望搵到個唔怕記者影啦！佢唔使有錢。（靚仔？）有梗係好啦！想佢充滿陽光味，憂鬱小生嗰啲唔好 ，好似彭于晏咁陽光更好！（想要胸肌男？）如果個樣似彭于晏，冇胸都OK！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：