被誤會唔想合照 陳展鵬遭粉絲藐爆
20160131
東網電視
更多新聞短片
展鵬透露之前有粉絲要求合照，不過咁啱有嘢做應承稍後影，但就被誤會唔想影！
藝人陳展鵬與鄭欣宜出席特殊馬拉松起步禮，獲大批粉絲撐場的展鵬於人海中被瘋狂集郵，他亦來者不拒跟大家玩自拍。展鵬覺得與市民合照是「好正能量嘅宣傳」，近兩年也多在街上被途人「野生捕獲」，年齡層由幼稚園、小學生到師奶群，他說：「好開心得到大家認同。（依家出街都化妝？）咁又唔使，如果嗰排狀態唔好或開工好攰就會戴帽，如果狀態ok會吹個頭，同大家影張相開心吓都ok！」
鍾意自己操刀
展鵬又笑稱不希望跟粉絲影的合照太肉酸，皆因現時大家都喜歡將相片放上網，幸多數市民都願意讓他「操刀」，他說：「因為佢哋有時影到我得番半邊面，或者個角度影得我唔靚，所以我揸機自拍好啲。」
惹粉絲誤會感不滿
並謂試過於車場修理車軚，當時雙手與俏臉都污糟邋遢的他，遇上路過的中學生影迷集郵，忙於修補車軚的展鵬着對方稍等，豈料轉眼15分鐘便過去，令粉絲以為他不想合照而離去，展鵬又說：「有次做緊嘢，有粉絲想合照，但因為有欄擋住，我承諾工作完再影，點知出到去唔見人，到我開車走先見到佢，但佢好似好不滿、藐我，好無奈，希望有機會遇番佢哋再合照。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：