姚子羚澄清胡說八道會冇喜訊：一定公布

藝人姚子羚於將軍澳出席活動，與許廷鏗齊齊打鼓又與粉絲玩遊戲。提到李施嬅日前在社交網站上貼上鑽戒照，指胡說八道會有喜事，身為胡說八道會一員的子羚笑笑口否認，她說：「唔係，係單立文送咗隻戒指比豹嫂（胡蓓蔚）我哋覺得好靚就拎嚟戴。（有人有喜事？）唔係，冇呀。」又笑指若自己有喜事一定會公布。

胡說八道會有意搞演唱會

子羚又提到胡說八道會有意搞演唱會，提出的是胡定欣，不過需要時間去計劃，她說：「胡杏兒依家飛咗，呢件事涉及好多人，要開會傾。（賣飛？）應該係，有初步諗地方，但好多嘢要配合，策劃緊，都想專心去練歌同舞，有時要拍劇怕兼顧唔到。」