代軒仔出騷　林峯過年唔怕食鮑魚

藝人林峯及泳兒出度記者會，他們更即場教台下觀眾做熱身操！

想練肌肉線條

受訪時，阿峯表示是代因肺炎入院的張敬軒出席活動：「通過電話知道影響到佢把聲，希望佢快啲好番。」而阿峯近日積極為四月舉行的紅館演唱會keep fit，問到瘦了多少磅？他說：「我冇磅，但表面睇應該有5磅以上，不過我唔係要輕磅，係想練肌肉線條，要皮薄餡靚，嗰餡就練緊，嗰皮就要飲少啲水，因為我易儲水，同埋食嘢要好揀擇。」他又指已叫家人在新年不要迫自己吃東西，但笑言可以食鮑魚：「食鮑魚ok，唔好太多汁，因為汁有糖。」

積極脱水修身

而阿峯坦言一方面要脱水，另一方面又要確保屆時在台上不會暈倒，很難作出平衡：「所以我開始習慣夜晚唔飲水瞓覺，啲澱粉質cut晒，但做gym又唔會暈。我會食好多肉，都會飲水嘅，但唔會灌水，同埋有飲green juice，習慣咗就冇事。」問到現時練到多少肌肉？他表示一直都在，但不明顯：「未出嚟，要修埋個身，但如果瘦埋面會凹，所以去到演唱會前先會推進。（衫？）未知，要問馬天佑。（可以去到幾盡？）睇成果，同埋應該會好熱，除吓衫冇所謂！」

同千語情人節玩煮飯仔

講到情人節，阿峯透露正構思如何與女友吳千語慶祝：「我又咩都唔食得。（自己煮？）我啲廚藝…盡量試吓。」又指會準備禮物。