林志穎化身「最帥守門員」同Kimi踢波

已有一子嘅台灣藝人林志穎，去年喜得雙胞胎囝囝，一家五口樂也融融！再度榮升人父嘅佢，雖然最近忙於照顧坐月嘅老婆同孖仔，但絕對唔會因此冷落長子Kimi，呢日佢仲抽時間陪囝囝去戶外玩，享受家庭樂。林志穎喺微博上載自己做守門員嘅相，似乎係同囝囝踢波，佢仲留言話：「親子時間，今天當守門員。」唔少網友大讚佢係一位「廿四孝爸爸」，仲話佢着上悠閒裝都十分有型，指佢係「最帥守門員」！