胡杏兒孖老公紐約街頭放閃

藝人胡杏兒同李承德（Philip）去年底完婚之後，隨即展開兩個月蜜月之旅，繼日本北海道滑雪之旅及大溪地睇魔鬼魚後，佢哋呢一站就轉往美國紐約玩啦！而剛到埗嘅杏兒，今早喺Instagram放上孖住老公Philip喺五光十色嘅紐約街頭嘅合照兼報平安，有老公喺身邊，難怪呢位幸福人妻笑得特別甜，素顏嘅佢睇嚟都好容光煥發！唔知係當地天氣寒冷着多咗衫定杏兒「幸福肥」啦，相中嘅佢睇落冇咁纖瘦，有網友仲笑言以為杏兒咁快「造人」成功，如果係就真係恭喜晒！