網友流出 吳奇隆劉詩詩新西蘭婚照曝光

20160201
東網電視
更多新聞短片
吳奇隆同劉詩詩去到新西蘭補拍婚照。
台灣藝人吳奇隆與內地女星劉詩詩去年喺北京領證後,兩人各有各忙,舉行婚禮一事似乎冇咩動靜,難怪好多網友都關心佢哋究竟幾時辦婚宴,而二人最近終於為婚宴作準備啦!繼前日佢哋被拍得低調現身新西蘭機場,今日有網友上載二人喺當地拍攝婚紗照嘅側拍相,相中在開篷車上劉詩詩着上白色婚紗,被化身「白馬王子」嘅吳奇隆擁入懷中,真係sweet到爆!
婚宴地點保密
另外,亦見二人喺現場情深對望,洋溢幸福之意,唔少網友都有喺二人微博留言祝福佢哋。而二人尋日接受內地傳媒訪問時,吳奇隆自爆係因為劉詩詩鍾意新西蘭嘅自然風景,所以今次專程到當地影婚紗照,相當識做!佢哋仲話婚宴已經準備得七七八八,但唔肯透露地點,只係否認喺北京舉行。而身兼演員及製作人嘅吳奇隆同時為內地劇《蜀山戰紀2》到當地睇景。
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: