黃德斌預告同簡慕華有激情戲

藝人黃德斌為劇集《鐵馬戰車》宣傳，對於劇中與飾演太太的簡慕華有親熱戲，平日甚少拍攝該些戲份的德斌尷尬謂：「依家講番都尷尬，唔提都唔記得，劇入面我係對家庭有缺失，後來先返嚟變番初戀感覺。（場戲好激？）都激，但唔知最終剪成點。（拍嗰時尷尬？）冇諗咁多就唔尷尬，但個劇情係應該咁，好在喺每次拍呢啲戲份，對手都係熟嘅，希望監製盡量就一就，唔好要我咁盡啦！」