陳凱琳恨DIY送嘉穎：一份戴一份食

藝員陳凱琳與梁烈唯晚上到將軍澳電視城錄影無綫節目《Sunday好戲王》，節目環節「七情上面報新聞」考驗演員演技，問到陳凱琳容易喊嗎？她說：「我麻麻哋易喊。（屋企有冇練習？）冇試，呢Part幾難，節目咁開心，但突然間要你收起情緒。自己仲抱住開心玩嘅心情去做。（有冇叫嘉穎教路？）佢叫我盡情去玩。（情人點慶祝？）未諗，諗咗新年先。（買禮物未？）未買，想特別啲或者自己親手整，一份可以戴、一份可以食，或者會學煮中餐。」