藝人張家瑩今日約滿亞視，她逗留亞視近兩小時派散水餅。派完散水餅後，她表示見完同事心情較舒暢：「尋晚有啲緊張同沉重，唔知講咩好，但見番大家好親切，同亞視關係友好，藝員科話可以By project合作，雖然唔係合約藝人，但關係似一家人！」她笑謂現在可以瀟灑地離開，相信走出亞視後前路更好。

傳亞視2月5日出糧

問到探訪了哪個部門？她說：「探咗藝員科同公關，公關合作最多，留咗好耐，又見到製作部同藝員科人陸續入嚟，去到外景房有Crew話又走一個。」問到有否會見高層？她說：「想見一見馬生（亞洲電視營運總裁馬熙），但佢開緊會，留低等佢，要打聲招呼。」被問有否關心同事的出路？ 她謂士氣較沉重，因過去一、兩個月沒有支薪，始終年關難過。她又謂：「聽啲同事講有傳公司想2月5日出糧。」

亞視拖糧流失員工

至於講到有沒有同事想辭職時，她說：「有同事講今日都係Last day，每個部門都有。（有300人？）冇見到咁多人，但再唔出糧，就可能陸陸續續有人走。」