預演婚禮？蕭正楠心痛翠如着婚紗嗌凍
黃翠如及蕭正楠（Edwin）於淺水灣拍攝無綫新劇《幕後玩家》的婚禮戲份，當中化身新娘及新郎的二人全程怕醜兼尷尬。問到他們心情如何？身穿露肩婚紗的翠如笑言只感到好凍，而身旁Edwin就盛讚女友婚紗look好靚：「結婚真係唔好揀冬天，我都好啲有三、四件衫着，佢就淒涼，露晒肩咁！（你心痛？）但咁着又好睇。演員就係咁，夏天拍古裝，冬天拍落水戲。」
「郁手」打Bosco報復
提到二人今次似足預演婚禮？翠如即唱反調：「咁講唔係幾好，因為劇中我結完婚就同Bosco有親密接觸。」問到Edwin會否呷醋？他笑言已向Bosco「動手」：「打咗佢啦！劇中我同佢係好兄弟，但佢搶走我老婆，所以拍咗場兄弟爭執戲份。」
怕醜遞咪畀Edwin
問他們有否不斷拍照留念？二人均表示冇手機在身而未有拍照。提及二人拍過結婚戲後會否找到感覺，日後結婚更順利？翠如怕醜把咪高峰遞給男友，Edwin見狀笑謂：「你平時講嘢好叻㗎？」翠如又解釋不想拍出預演二人婚禮的感覺，Edwin補充說：「因為結婚一生人一次，唔好喺場戲就經歷咗。不過我哋都會專業演出。」
談及兩人打算何時結婚？Edwin笑言未知：「我連拍呢場戲都係前日先知，早啲知就好，會有心理準備，依家好尷尬！」翠如則說：「咁今次當係預演，當有晒（結婚）相，好尷尬呀！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：