澳門拍劇遇寒流　李逸朗讚阿叻照顧後輩

藝人李逸朗（Don）到澳門參演鄧特希監製的新劇《隱世者們》演出，他飾演富二代，與演父親的陳百祥有不少對手戲，Don興奮地說：「好榮幸拍攝鄧特希監製嘅劇集，一直有欣賞監製以往好出色嘅劇集例如《壹號皇庭》，今次更第一次同陳百祥（阿叻）合作，佢好照顧後輩，令我在拍攝時好似佢親生仔嘅感覺！」

在澳門拍攝期間有不少外景場面，早前更遇上寒流，Don笑言開拍前會做足熱身準備：「我有多場同日本演員武田幸三、池端玲名嘅戲份，當中仲有打鬥場面，所以未開機前我哋都會做熱身，既可保暖又可以當排練。」拍完戲，Don帶劇中日本演員Roberta到大三巴遊覽，並一同享受澳門特式美食：「因為佢住喺台北，所以我哋都用普通話溝通，佢好活潑可愛，令在場所有工作人員都好開心！」