囝囝滿一歲 謝天華嘆時日太快
去年升呢做爸爸嘅謝天華,其囝囝謝浩飛(天天)盡得佢真傳,同佢十足十餅印一樣,而天華亦不時喺網上分享囝囝嘅得意相。話咁快天天已經一歲啦,而天華尋晚亦喺微博上載囝囝嘅相,一歲嘅天天已經識得企喇,天華就好似唔捨得囝囝大得咁快,佢感嘆寫道:「時光飛快,天天 今天也剛滿一歲,看着他每天成長進步,已經滿足。祝願各位猴年每天都幸福快樂!」