藝人徐子珊六點左右現身機場，飛住加拿大多倫多登台，子珊表示今次會逗留一個星期，問到為何不多留幾天玩？她表示：「因為香港有嘢做。（拍嘢？）唔係，搞緊珠寶，嚟緊會有另一個系列，希望過完年二月尾面世。」

講到猴年大計，子珊表示最想工作順利，至於愛情方面，她笑言：「愛情都係其次，自己賺咗錢先，冇錢扮靚就冇愛情。」問到離開無綫一段日子，可會有劇癮？她表示：「尋日都有舊同事搵我，佢哋依家係出面做製作，我會睇吓劇本先，都有啲興趣，有電影、劇集、網劇、真人騷都有，會睇番角色同製作決定。」講到之前謝天華參加內地騷飲尿？子珊即一面驚訝，高呼兩次：「咁激動？」問到她的底線，她表示是蛇、蟲、鼠、蟻等等。