好事近？熊黛林自爆出年有人陪

名模熊黛林（Lynn）與男友郭可頌一直愛得甜蜜，早前Lynn仲與郭家眾人一齊去沖繩旅行，相處十分融洽，成功融入郭家嘅Lynn，似乎離嫁入郭家不遠，難怪屢傳婚訊啦！而踏入農曆新年，提早收爐嘅Lynn呢日隻身返南京過年，冇男友在旁一啲都唔傷心，仲喺網上好風騷咁留言話：「一個人回家過年咯！明年，有人陪……」嘩！究竟係暗示男友下年陪佢過年兼同佢家人拜年，定暗示好事近先？如果係後者，真係恭喜晒，又多一位靚靚名模人妻啦！