吳業坤包到冚行年宵 王菀之與老公拜早年

20160207
東網電視
更多新聞短片
過年梗係要行年宵啦。
今日就係年廿九,有藝人逛年宵行大運,亦有人更新社交網提早同fans拜個早年。吳業坤尋晚就去行花市,仲去妹妹嘅檔攤撐場,佢upload一張戴帽、戴口罩手持花燈嘅相,留言:「去睇呀妹檔年宵,見到好靚的手工花燈。」之後佢又返屋企封定一大堆開工利是,個利是封仲設計得相當有心思,印有佢個招牌四眼毒男look之外仲寫上「Let say one two kwan gor」,點知之後坤坤再想出去行年宵,點知計劃告吹搞到要同Cousin Fung玩hehe撐枱腳食外賣宵夜,仲話:「行不到年宵的落幕」。
Eric So王菀之拜早年
而新婚嘅王菀之同老公Eric So就提早同fans拜年,Eric上載自己親手畫嘅馬騮畫作:「猴年將至~2016騎住巾(觔)斗雲,千其(祈)唔好一舊雲!」而Ivana就愛相隨,即刻repost老公傑作:「畫風keep到後現代彈跳前進式,祝大家猴年行好運,著(着)得落條裙」。
另外黃翠如亦上載愛犬身穿賀年服飾嘅cute爆相並留言:「新年新希望,大吉利是噢!」