周汶錡晒囝囝開餐相冧爆網民

原來真係會有啲人，未長大已經有明星相！講緊嘅係邊個？咪就係名模周汶錡（Kathy）嘅寶貝囝囝Jacques囉！Kathy自從生咗囝囝之後經常都會喺社交網站上載Jacques啲靚仔相，今次佢又上載咗一張Jacques開緊餐嘅相，話晒Jacques都係混血b，細細個已經五官立體，相中仲見Kathy幫佢戴咗條猴子嘅口水肩應節，見到Jacques一邊食一邊笑到四萬咁口，真係冧死餵緊佢嗰個之餘，仲冧死一班網民呀！搞到網民們都不禁留言話：「我都想做餵佢嗰個。」，「看到Jacques心都溶化了！」