婚後首派利是　杏兒李蘊同大家拜年

新年基本動作梗係逗利是，有人逗自然要有人派！今個猴年唔少藝人都係第一年派利是，好似胡杏兒同老公李承德（Philip）咁，就係第一年派利是喇！杏兒喺微博上載咗同Philip拎住一大疊利是嘅合照，仲透露自己因為喺英國，要派英磅利是添！杏兒留言：「祝大家猴年快樂，今年開始不能再拿紅包要發了，因為在倫敦所以還要發英磅，大出血呀，而且我現在是杏兒姨姨了，還是想收紅包多一點！」

而藝人李蘊今年亦係第一年派利是，佢上載咗一張滿手利是嘅嘟嘴自拍，留言：「恭喜發財！祝大家身體健康！萬事如意！猴年大吉！」