齊天大「勝」發威　張衞健創春晚紀錄

藝人張衞健長駐大陸，成功打開市場，更威到盡在北京電視台的春節聯歡晚會上擔任主持，可謂前無古人，為港人爭光！

食住2002年中港台合資拍攝劇集《齊天大聖孫悟空》嘅氣勢，張衞健再扮「齊天大聖」，以一Shot過拍攝一條三分鐘的春晚開場短片，雖然活動已經完滿結束，但片段仍然在網上瘋傳。

見張衞健由猴王變身招牌光頭Look，Rap住通過安檢、從後台走過演員化妝間直至大劇院，在個過程中，他要完成四次變裝，涉及逾百名藝人演出。最後，他出現在觀眾席上，隨着他一句「蟠桃盛宴開始了」，晚會大幕拉開，春晚正式開始，今次張衞健真係贏晒，成為節目最觸目的藝人。而這個設計開創春晚先例，短片並介紹了當晚每一個單位。