陳浩民爆造人心得 蔣麗莎樂做黑面虎媽
20160210
東網電視
更多新聞短片
陳浩民話依家3個仔女都有個共通點…究竟係咩呢？
一家六口的陳浩民和蔣麗莎帶着4歲大女雅薷、2歲二子璟逸和1歲幼女若嫣向大家拜年，而即將出世的猴B，更成了陳家萬眾期待的「猴王」，正好與曾演孫悟空的浩民互相輝映！
來自不同家鄉
今個猴年可謂忙過不停，因為浩民和麗莎來自不同家鄉，要趁着新年履行家鄉習俗，原籍福州的浩民，都會在大除夕夜煮線麵寓意長壽，而屬湖南人的太太麗莎，卻從父母中學識包「元寶型」餃子，作為新一年財富滿屋。兩公婆如今移居香港，當然要在新年將兩種意頭食品來個Crossover，一班仔女就最有口福！
三個仔女都有共通點
吃過賀年食品，浩民會舉家外遊慶祝，他解釋並非「避年」：「只因我哋人多勢眾，咁多仔女，每次去人家度拜年都有啲唔好意思，所以我都係揀去旅行開心吓！」其實太太麗莎坦言，為仔女處理利是亦要有道：「我會將啲利是錢以子女之名捐去畀貧困山區或助養兒童，咁仲有意義，所以派利是畀我嘅仔女嘅人都會覺得好安心。」太太為兒女儲備福澤，難怪浩民「愈生愈有」，他笑言：「可能老婆幫咁多小朋友，所以我哋咁生得！哈哈！（有冇人為秘方？）冇㗎！不過，我統計過，我呢三個仔女，都係每次出外旅行時『造』出嚟，所以我提議大家有心人士可以試吓出外旅遊時努力啲！」
浩民會上堂學溝通
面對一家六口，浩民獨力撐起成頭家，樓要住多房，車要轉七人Van才可過着充裕的生活，但浩民卻不以為然，只覺錢可解決的問題就不是問題：「賺錢係辛苦，只要肯捱就得，但當子女進入春青期，做父母就要識得如何與子女溝通！到時候我都年紀大冇人搵我拍戲，咁我就用時間去上堂學吓同子女溝通嘅技巧班！」
麗莎屋企會黑面
不過，湊慣仔的麗莎卻很有心得，更自稱為「虎媽」預早將仔女馴服：「我喺屋企時會黑面，對仔女好嚴，好似食飯時唔可以亂走！課外班都只係一星期一堂，寧願多啲時間同佢哋相處，溝通先最重要！（發掘到子女有咩才華？）女愛唱歌，仔愛跳舞，從小愛舞台表演。（會畀子女入演藝圈？）唔介意，最重要所揀嘅工作係佢哋喜歡先有意思！」
攝：吳文聰
髮型化妝：KWAN SUM
場地：如心艾朗酒店
服裝：中藝(香港)有限公司
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：