黃浩然戲癮發作搵劇拍

無綫新劇《警犬巴打》已播出，有份主演的黃浩然（Raymond）指《警》是其病愈後的「復出」作，更直言對演戲開始「餓」：「上年整體嚟講都係休息，《警犬巴打》係去年7月至9月時拍，差唔多病後一年做番嘢，多咗時間靜落嚟自我檢討，思考番之前衝嗰八、九年做嘅嘢。新一年最想緊係身體健康，呢一年拍更多嘢，休息咗成年個人開始『餓』，對演戲有番激情。」

提到去年在台慶頒獎禮上公告病愈並開聲「搲撈」，他笑言：「同蕭正楠、曹永廉好friend，一齊上台都係講吓笑。不過我都病好一段時間，有時喺公司撞到啲同事，見過幾次仍會開口問我身體點。我都想借嗰機會話畀大家聽我好番晒！」

場地：Tamarind Pan-Asian Restaurant & Bar

服裝：SFOR