初一遇十呎火舌 歐陽震華變救火英雄
20160211
東網電視
更多新聞短片
歐陽震華年初一遇到真正嘅火警，仲要撞正一個闊佬難理同埋唔識用滅火筒嘅看更，真係激死人！
藝人歐陽震華（Bobby）年初四在將軍澳電視城為《一屋老友記》開工拍攝救火戲，原來他在年初一寓所樓下就預演了一場「烈火雄心」，他說：「年初一出街拜年，落到樓見到個看更同菲傭指手畫腳，然後去八吓，個看更好平淡話出面花園火燭，出到去睇啲火燒到十呎八呎高，我問看更攞滅火筒，看更攞咗出嚟又話唔識開，同佢打開咗，點知佢噴到我成身都係粉，後來我索性搶咗個滅火筒自己去救火，估唔到呢個世界有人唔識用滅火筒。」Bobby救火後返上屋企沖涼換衫，他說：「返到屋企工人問我咩事，我話出面落雪，不過不幸中之大幸，啲鄰居都出晒埠，周圍冇人，好彩畀我撞到。」
談及拍攝《一屋老友記》火燭戲，Bobby笑說：「啲火仲細過我屋企嗰日喎。」講到今個農曆新年，他自嘲有「假期病」，瞓咗好多日休息充電。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：