初三孖老公拜年　萬綺雯大懵冇帶利是

萬綺雯（蚊蚊）在將軍澳電視城為新劇《致命復活》開工，早前剛病癒的她年廿九再大感冒，蚊蚊說：「感冒好似好掛住我咁喺屋企瞓咗兩日，年初三同老公去拜年，食咗藥食到懵懵地，又唔記得帶利是，可能我潛意識仲想收利是。」

講到亞視拖糧陷入清盤困境？蚊蚊則避談說：「過年唔好講喇。」蚊蚊在化妝間巧遇歐陽震華，兩人互相派利是，歐陽震華收到利是看到利是封笑說：「十三蚊。」萬綺雯則說：「十三萬呀。」