新劇造型粗魯　林夏薇唔怕嚇親老公

林夏薇有份主演的《公公出宮》收視第一集19點，第二集23點，夏薇接受訪問時表示新年期間此收視都很正常，她說：「因為新年大家都好忙，不過忙極我啲朋友、家人都有支持，都話好好笑，依家都有23點，仲有機會升，呢套劇於新年期間都可給大家歡樂，希望之後會更好。」問到老公看到她劇中的粗魯造型有否嚇親時，她謂：「我老公每日都有同我一齊睇，佢見到我咁粗魯，唔係驚，反而覺得好好笑，因為平時我好女仔，但劇中角色好男人，反差好大，連工人都笑。」

此外，股票今日下跌很多，夏薇坦言自己都有買開，不過都是長期投資，她謂：「我係買嚟長期投資的，所以唔會日日去睇，當然希望個巿會好番，咁就大家都開心。（會否再入？）穩定啲先睇吓點。」