袁偉豪拍劇被前輩鬧顧住Chok靚樣

藝人袁偉豪接受電台訪問，講到他當年因參加《香港先生》而加入無綫，他憶述當年參加比賽的經過：「06年嗰段時間我都幾清閒，玩健身識到班師兄，嗰陣咁啱播緊06年《香港先生》，佢哋就話我可以試吓，嗰陣都膽大心細，諗諗吓要行前一步，希望可以藉比賽加入無綫重新嚟過。（攞咗冠軍之後好似被投閒置散？）嗰陣冇諗過走，有段時間係幾迷茫，跟住由07年開始捱咗4年，去到11年拍咗《結．分@謊情式》就畀自己可以試多啲。（喺前輩身上獲益良多？）試過聽過前輩話我未得、未開竅，好似仲顧住Chok靚仔樣，之後我就發覺原來係要遇啱一個角色先得。」