陳偉霆放蚊無限狂Loop 粉絲都嗌攰

20160212
東網電視
更多新聞短片
陳偉霆呢啲樣....真係睇到都覺得攰。
以「小鮮肉」男神姿態喺大陸爆紅嘅陳偉霆(William)月頭因為喺內地西溪蝴蝶谷為劇集《老九門》拍攝時遇上意外,不慎被電單車撞傷左腳,仲一度不能動彈,亦因為咁樣而要退出央視春晚。但身為工作狂嘅佢就唔係好想休息太耐,見冇乜事又再重新投入拍攝工作,晨早流流就上載自己嘅全蛋白早餐,配合佢操fit大計,到夜晚William又更新instagram,今次甫咗自己擘大口「放蚊」嘅片,仲話「想收工喎窩(我)」。
有fans見到偶像咁辛苦都大叫心痛,叫William好好休息,亦有人只係留意住William個靚仔樣同埋迷人嘅走笠,完全放錯晒重點!不過最好笑嘅係,條片一click開的話就會將佢呢個兩秒鐘嘅放蚊過程不停loop呀loop,搞到粉絲睇到都想跟埋佢一齊放蚊,唔少人都留言話:「太魔性了!看的我都困了。」