深明女人之苦 劉浩龍擔心祖兒膝蓋勞損

20160212
東網電視
更多新聞短片
劉浩龍雖然係男人,但佢好明白女人着高踭鞋有幾痛苦!
歌手劉浩龍(師兄)透露很喜歡吃蘿蔔糕,試過一個新年可以KO七至八底,但今個猴年師兄「有得睇冇得食」,他解釋:「月底要拍唱片封面,雖然唔係要除衫,但我肥龍底,個身厚一食實出事。」今年與至愛蘿蔔糕無緣,師兄要狂做運動瘦身外,亦要少油戒澱粉,他的目標在月底前瘦10磅!
望多拍電影
面對唱片業低迷,仍獲公司支持揼本4月出碟,師兄心存感激,他說:「今個猴年願望除咗開騷,仲希望多拍電影,唱歌我唔會放棄,但又愈來愈鍾意拍戲,之前幾年喺舊公司,大大小小原來都拍咗20幾部,好鍾意可以短時間投入做另一個人。」除了籌備推出全新廣東唱片,師兄最近亦密密到內地登台搵真銀,早前在廣州演出時不但獲大肚媽媽撐場,更有男粉絲不停大叫點唱,誓要師兄唱《思覺失調》。
祝福祖兒身體健康
師兄亦不忘恭祝黃柏高(Paco)猴年「威過威士忌」,寓意愈戰愈勇,家庭方面他祝願家人個個「龍精虎猛」,至於愛情,師兄祝福女友容祖兒「菠蘿蓋好靚」,因為女仔經常穿高跟鞋,膝蓋容易受損,所以希望她身體健康,可以跳更多勁舞給觀眾欣賞。
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: