蔡國威對亞視死心：不如摺咗佢算啦

前亞視藝人蔡國威（威仔）接受有線節目《娛樂熱辣辣》訪問，提到引用僱傭條例10A條款自動離職，一直堅持到底的他坦承對亞視完全死心：「呢年幾以嚟，心情都起起伏伏，其實早喺一月頭，我接受傳媒訪問講及亞視拖糧，即晚收到高層電話表示不滿，仲話要雪我！眼見近期高層都跳船，心都死晒，亞視真係不如摺咗佢算啦！」

對於亞視又拖糧又沒製作，威仔直言實在難以經營，更不信會有新資金投入公司：「3000萬？我聽童話故事《狼來了》已經聽得太多！」問到前路去向？被嘲諷「冇嘢撈」的他希望終有一日觀眾會留意自己的工作，而非自己有沒有被拖糧。

陳興昌駕車離開亞視

另外，亞視新聞部副總裁陳興昌於下午四時許駕車離開亞視，車內仍有兩人，坐於副座駕疑為亞視新聞部採訪主任鄭鋼英。