陶大宇孖宣萱減肥「迎戰」床戲

正與駱應鈞合作演出鄧特希新劇《隱世者們》的陶大宇，對於同劇拍檔宣萱表示要減肥「迎戰」二人稍後演出的床戲，大宇笑言對方想令他攬得舒服：「女藝人個個都貪靚，其實佢由開工至今都Fit咗好多，呢場床戲點樣拍都未知，不過電視尺度有限，可能佢只係想畀我攬得舒服啲啫，咪當係一股推動力畀自己減肥囉！（你又點準備？）我都瘦咗好多，不過當沖涼照鏡又覺得男人過瘦冇台型唔得，都要食番小小嘢！（床戲受關注？）我又冇咩壓力，對呢類戲我都好有經驗，我都好多謝宣萱喺一啲訪問中表示對我嘅信任，大家都係有經驗演員，相信冇問題。」