同朱晨麗拍咀戲　郭晉安爆太太放生自己

「視帝」郭晉安（安仔）及朱晨麗（Rebecca）於天后，拍攝無綫劇集《致命復活》。劇情講述以皮裙晒腿的Rebecca挨實床邊「偷吻」熟睡的安仔，而貪玩的二人又於鏡頭外狂做趣怪表情，更齊齊擺出心形Pose，場面惹笑！

朱晨麗做足準備

Rebecca於受訪時笑言為此「偷吻」戲做足準備：「我漱定口、撩完牙、用埋牙線！」安仔則搞笑稱對此感緊張：「佢趁我瞓着偷吻我，我就趁佢偷吻我前瞓着！（有互咀戲？）唔知導演要求，好緊張，好耐冇拍。」問到二人拍親密戲會否感尷尬？安仔說：「拍咗長時間會好啲，好似我同陳庭欣有場一夜情戲份，由第一次見面話拍，拖到熟識咗都未拍。」而Rebecca則大表放心：「唔係首次拍親熱戲，好放心，冇壓力！」

入行以嚟最多親熱戲

問到安仔拍攝前有否先向太太歐倩怡「備案」？他大爆獲對方「放生」自己：「佢叫我唔使講，叫我出去見識吓，佢明白係做嘢嘅！（劇中多女圍？）入行以嚟最多親熱戲，過兩日可能又拍床戲。（太太睇到眼火爆？）電視尺度唔係拍電影。（最激場口？）大家到時自己睇。」身旁穿上厚外套的Rebecca因現場太熱而除去外套，令安仔見狀笑說：「哈，睇我哋諗起都好熱！」

蚊蚊當街嗌「老公」遭仔仔質問

問到他會否擔心其子女觀賞其激情演出？安仔自爆曾遭八歲兒子質問：「小朋友長大就可以由家長陪同下睇，不過到時播映佢哋可能瞓咗。有次我同囝囝喺西貢撞見蚊蚊（萬綺雯），佢開心到當街嗌我老公，我即刻向佢打眼色話我囝囝喺度。之後囝囝都有問我『點解個姐姐叫你老公？』我同佢解釋番演員會投入角色，佢都明白。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment