幸福肥定食肥咗？范冰冰晒自拍：養胖！

內地女神范冰冰同男友李晨愈愛愈高調，恩愛地步去到一齊上綜藝節目、出騷搵銀，行街拍拖毫不避忌，又喺網上不時狂冧對方，真係多到數唔晒，難怪佢哋兩人今年結婚嘅傳聞傳到似層層！

而冰冰呢日就喺微博甫咗幾張自拍照，留言話：「養胖！」但究竟佢係講緊同李晨一齊之後嘅「幸福肥」呀，定係因為農曆新年食多咗而肥呢？網民就睇嚟Buy前者多啲喇，有人笑言話：「大黑牛（李晨）勁不可沒啊！」不過，其實睇上去，都唔覺肥咗噃！