等睇麥當娜　劉嘉玲爆《擺渡人》重拍

影后劉嘉玲以Deep V裝出席賀年活動，與財神擁抱、敲響銅鑼、為舞獅點精，並求籤得求得大大吉。她透露今年農曆新年在港度過：「自己每年年廿九至年初二都會盡量留喺香港，做足家居布置接財神。」還有封利是和傳統習俗。

梁朝偉去印度賀新禧

問老公梁朝偉（偉仔）可會幫忙？她笑言：「佢坐享其成，同幫手食年糕。」提到昨日情人節，她表示早上去了行山。問偉仔送了甚麼禮物？她說：「唔使禮物，我收花就OK，花唔可以少，我好簡單。（收埋禮物喺屋企？）今年冇。佢喺印度，嗰邊有大型活動。（點解你唔一齊去？）我要工作。（幾時返？）就返。」她表示過年後會到台灣旅遊，來年會一半工作、一半娛樂。問會否拍戲？她說：「會。（幾部？）一部，我呢啲年紀唔可以太多。」

請同事欣賞麥當娜

談及一擲50萬包下澳門新濠影滙綜藝館豪華私人貴賓廂房，欣賞樂壇天后麥當娜（Madonna）在澳門舉行的演唱會，問會邀請了哪些朋友？她說：「平時一齊工作嘅人，辛苦咗咁耐，畀佢哋好好享受，難得有機會有房一齊傾偈。」坦言對麥當娜演唱會期待已久，上次在日本錯過了，今次在香港、澳門舉辦，必定要看。

王家衛監製值得等待

她愈說愈興奮：「佢啲歌陪我長大，好尊重呢個藝人。佢成日求進步、有要求，肯接受挑戰，喺pop music界嘅前幾位，唔容易。佢嘅造型、表演總係令人驚嘆。（偉仔去唔去？）唔知呢？唔知佢鍾唔鍾意麥當娜。間房坐到20人，我會盡量請朋友去。（佢要開工？）開喇！仲未拍完《擺渡人》，聽講又要重頭拍過。（你心唔心痛？）唔到我心痛。精益求精，慢工出細貨。澤東出品，王家衛監製，值得用時間等待。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment