夏尉喻冧爆靚仔小豬 男友唔敢揀周星馳
20160215
東網電視
更多新聞短片
夏尉喻話揀男友要睇外表，好似小豬（綠圈）呢啲大隻靚仔就啱晒佢，而佢仲話周星馳（黃圈）有太多選擇，唔會輪到佢。
形象搞笑的「寸嘴Barbie」夏尉喻在周星馳執導新戲中飾演美人魚家族的電鰻，身材豐滿的她雖也有拋胸演出，但造型「破格」要畫上粗眉及戴假哨牙，向來玩得的她並不介意扮醜，更覺得榮幸，希望靠該片得到更多觀眾留意。
讚周星馳唔Cool轉數快
Barbie表示很開心能與兩位男神周星馳及羅志祥（小豬）合作，大讚周星馳有才華轉數快，並非如傳聞中Cool，小豬則靚仔又大隻，講到想揀誰做男友？她說：「我鍾意小豬，外表係我口味，佢有種懾人魅力，明明有場戲我要電佢，但反而畀佢電眼電親！我哋喺片場慢慢培養咗默契，會用手勢互相打氣！（咁大膽唔揀星爺？）哎呀！佢太多選擇，唔輪到我吖嘛。」
亂演亂跳刺激思維
Barbie透露片場趣事連連，周星馳喜歡即場Jam笑料，經常叫Barbie放膽亂演：「佢成日同我講『畀啲嘢嚟揸吓先！』其實係想要人幫手諗橋，可能覺得我都無厘頭，會畀到另類答案，我捉到佢路後，磁場都脗合到！有次佢叫我同林允係咁跳舞，仲讚我跳得好啲，佢又會問大家揀我哋邊個做女友，佢好鍾意問點解，想知大家諗法，好隨和友善。」
做大廚炮製蒸魚
踏入新一年，Barbie祝福各位《東網》讀者年年有餘、笑口常開！為配合「魚」這主題，Barbie到一所酒家客串做大廚炮製蒸魚，見她撈魚時雞手鴨腳，搞到一身濕，甚少下廚的她更不忍心劏魚，一直匿在師傅身後，扁晒嘴表情搞笑！
場地：醉鍋館
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：