昨日係情人節兼人日，亦係藝人葉璇嘅36歲生日，去年同內地形象指導小默先生拍拖嘅佢，自公開戀情之後不時喺網上大放閃光彈，適逢情人節兼生日，葉璇同小默先生當然要黐住過啦！除咗例牌晒出二人合照，枱上仲有賣相精美嘅生日蛋糕同一對攬到實嘅猴子，仲有一隻閃到爆嘅戒指同靚靚玫瑰花，葉璇又留言：「最好吃的生日蛋糕。」一次過收到咁多禮物，你話葉璇點會唔冧到爆吖！