遇伯樂發圍　小肥預告：暑假搞單大嘢

歌手小肥到電台宣傳新歌《伯樂》，他表示已有年半沒有派新歌：「自己都唔知咁耐，係我全面回歸自己創辦嘅棋人娛樂嘅第一首歌，係因為遇到一班伯樂，其實係一班老闆嚟，呢首歌都係個酒品牌嘅主題曲嚟。」他形容這班老闆有點像過往的「棋人（充滿戰鬥力）」，同樣白手興家：「都15年喇，到依家仲喺香港開埋分公司。」

問公司15周年可會有慶祝活動？小肥表示會在澳門舉行演唱會，除了棋人香港的藝人鄭融和劉威煌會參與外，自己亦會與拍檔鍾楚霖重組：「其實我哋未成立公司之前係組合，今次就重組一晚啦。」小肥可惜自從離開了太陽娛樂後仍未有機會與Paco（黃柏高）合作。

連任澳門演藝人協會會長

事隔年半再回歸樂壇，問可有大計？小肥強調會全方位發展，亦會與同公司藝人緊密合作：「都想暑假搞單大嘢，想搞個演唱會，澳門演藝人協會都會第二屆就職，繼續做會長。」他還表示會推出新歌，會以專輯的數量在網上出歌：「會更真嘅自己，因為我唔係分手情歌王子，本身係個比較古靈精怪。」

至於情人節，小肥表示同家人到了台北旅行，笑言家人好明白他，不會催婚：「做咗嘢先，唔急住，雖然都見住身邊啲人結婚。」