娛樂專題：無綫女新人梁茵闖娛圈唔靠樣

無綫女新人梁茵渴望做實力派演員，對演戲有濃厚興趣的她，中學參加劇社時已不做花瓶，喜歡挑戰師奶、哨牙及禿頭等特別角色發掘演技。

無綫新人梁茵（KiKo）參加第26期無綫電視藝員訓練班入行，近日在處境劇《愛．回家》中飾演瑜伽中心職員「李淇」一角，角色善解人意又文靜，因而吸納一批男Fans。

KiKo中學時曾組劇社表演，而且不喜歡演靚女：「開頭我都係演靚女角色，但好快到樽頸位，始終要靚有人比你更靚，於是我放下身段，演啲得意角色，反串、肥師奶、哨牙、禿頭都扮過，觀眾覺得我勇於嘗試。」曾任模特兒的她認為興趣始終在演戲上，於是修讀演藝學院課程，外形標致的她原來曾考慮選港姐入行，她說：「我認同港姐出身較佔優，曝光多啲亦快啲有機會，藝訓班條路係崎嶇啲，但我想好似海綿咁吸收知識，慢慢打好基礎。」KiKo視鄭裕玲及鄭丹瑞為奮鬥目標，大讚兩位前輩轉數高又有壓台感。

情陷暖男系

KiKo在《愛》劇內與「怕醜仔」陳志健（Otto）結成一對，她笑言這對拍檔的火花相當得意：「我個角色好內斂，但Otto個角色仲怕醜，令我反而要主動啲，好多人都話我哋個故事幾搞笑！」問到現實生活中是否亦喜歡怕醜男？她笑說：「其實冇特定話鍾意邊類，要相處過先知夾唔夾，但我偏好暖男系，溫柔體貼識得照顧人，我爸爸都係呢類人，父母多年來好融洽，我好羨慕！不過要搵適合嘅人唔係咁易，做藝人時間好難夾，希望同對方互相信任。」

文武雙全恨做打女

KiKo興趣廣泛，既喜歡閉關睇書及寫散文，又愛做運動如游泳及打泰拳等，絕對是動靜皆宜！提到文靜一面，她說：「我細個已經鍾意睇書，做咗演員更加需要，另外我有時會將對一張相嘅感覺寫成詩句，反映我嘅內心世界。」運動方面，她精通游泳四式，最近更練泰拳，望開拓打女路線：「開頭都有啲辛苦，成身瘀晒，好在細個有游水，體能還可以，有興趣之後練詠春同跆拳道，始終做演員要進修，機會一到就要把握到。」