張棋惠誕B女　楊丞琳有備而來

台灣女星楊丞琳初出道所屬組合4 in Love，雖然組合已經解散，但成員之間感情好好，仲不時約出嚟聚會添！而成員之一嘅張棋惠宣布昨早已經平安誕下囡囡「阿寶」，丞琳亦有轉發消息，大叫感動之餘，並表示好想快啲見到「阿寶」，稍後會同其他成員相約一同探望對方。

其實，4 in Love嘅三位成員都結婚生子，得返與內地歌手李榮浩蜜運中嘅丞琳仲未成家立室，難怪佢都有備而來，提早回應大家「逼婚」一事：「我知道許多人因為其他成員結婚生子，就急著問『何時該妳？』，但每個人的人生步調本來就是不同的，所以，請大家冷靜！」