徐子珊「抆衫尾」　孖住宣萱睇騷

藝人宣萱及徐子珊結伴到亞博觀賞國際天后麥當娜（Madonna）的演唱會，記者想與她們做訪問時，她們表示趕住進場，但知道未開騷，就停低接受訪問。

問到是否吃飽才來睇騷？兩人同聲表示要減肥：「因為過年食得好放肆，肥咗好多。」宣萱更笑言：「邊可以唔食呀，依家就忍番口。」子珊則指新年期間到多倫多登台：「你知美國、加拿大啲嘢食幾大份先得架，個人又開心，所以咪肥囉！」

而兩人同是首次看麥當娜的演唱會，宣萱謂原先打算去看澳門站，但余安安就安排了香港站的門票給她們：「依家睇咗香港先，都未知澳門站得唔得閒。（當年有冇喺日本睇過？）以外國artists嚟講嘅話我係一個都冇睇過，今次第一次，聽佢啲歌會勾起讀書嘅回憶。」又指之前已錯過Michael Jackson的演出，不想再錯過麥當娜的演出。

子珊又笑言自己是「抆衫尾」，但自己亦有聽過麥當娜的歌：「好期待麥當娜嘅舞蹈藝員。（睇仔？）係麥當娜同舞蹈藝員一齊跳嗰part嘅舞。」