昆凌Keep Fit忍口　食Cake都要猶疑

「天王嫂」昆凌去年為周杰倫誕下愛女「小周周」Hathaway後，火速修身成功！而甜品往往係女人嘅天敵，向來對自己身型有要求，又鍾意做運動Keep fit嘅昆凌都唔例外，呢日佢就上載一張食甜品歎咖啡嘅照片，相中嘅蛋糕已經被食咗一半，而昆凌就望實件蛋糕發呆，睇嚟諗緊食唔食晒佢好。有網民紛紛猜測邊個負責揸機，當然唔少得有人話係周杰倫影啦！之不過唔知周杰倫又食啲咩呢？唔通佢望住老婆食就飽？