Sweet爆！袁偉豪整小工藝品冧女友

藝人袁偉豪到坑口宣傳無綫節目《湊仔攻略》，他說元宵節將與女友岑杏賢兩地分隔，他說：「之前情人節，我哋喺屋企煮飯食，仲打算送個小工藝品畀佢，但仲要時間製作，未到手。元宵我唔喺香港，要去印度拍節目，所以感覺呢段時間過得特別sweet。（女友想陪埋去？）唔啦，唔畀佢去，印度嗰邊女性過到去有安全方面嘅考慮，或者第時公司畀我帶助手或經理人同行，再去。」