濱崎步中門大開 性感捧娜姐

20160221
東網電視
更多新聞短片
濱崎步騷出豪乳,搶晒鏡呀!
日本天后濱崎步昨日與外籍老公經香港搭直升機飛抵澳門,今晚出動欣賞麥當娜(Madonna)於新濠影滙舉行的第二場演唱會。
步姐以DEEP V黑色裙亮相行紅地氈,保鏢連工作人員共十多人隨行,十分大陣仗,而步姐中門大開,性感度爆燈,現場更有不少步姐歌迷踩場,步姐甫出現,現場歌迷即不停大叫偶像的暱稱:「Ayu!Ayu!」非常熱情!
睇娜姐勁興奮
步姐接受訪問,佢話:「首次睇麥當娜,心情好緊張。(日本冇睇?)佢喺日本開騷時,我喺倫敦,錯過咗,今次好興奮!(最欣賞麥當娜哪方面?)難以解釋。(好多人形容你係亞洲麥當娜,將你哋作比較?)我唔知,冇聽過,但就好榮幸。(鍾意邊個造型?)佢有百變形像,好欣賞及好尊敬佢。(想上台?)睇下啦。」
步姐勁親民
問佢會唔會為自己個騷攞靈感,佢就話:「Why not?知道演唱會好好玩,大家have fun。(上年同台灣JJ林俊傑合唱一曲,會否想同大陸或香港的歌手合作?)會想同所有靚音嘅人合作,JJ有把好美妙嘅聲音,唱歌好好聽。(今晚會否同麥當娜見面?或去騷後派對?)睇吓點。」濱崎步入場時,步粉不停叫佢,佢每次都有望着粉絲,仲同粉絲揮手,非常親民!
另外,步姐入場之後,亞視主要投資者王征都有嚟撐娜姐,急急腳趕入場,唔知係咪怕記者問佢申請亞視清盤嘅事。
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: