郭晉安變爆瘡野人　唔敢Send相畀仔女睇

藝人郭晉安以深山大野人造型在將軍澳電視城為無綫劇集《致命復活》拍攝被綁架而流落山洞的戲份。郭晉安花了三小時進行特技化妝，造型披頭散髮、滿面膿瘡、衣衫襤褸，十分神似。郭晉安笑謂不敢將大野人造型照給子女看，怕嚇親小朋友。

問到郭晉安拍攝辛苦嗎？他表示：「因為要同越南戲份連戲，所以戲服都好單薄，天氣凍辛苦啲。之前都嗌到把聲沙咗，醫生開咗類固醇但只係可以食一次，之後都要就住把聲嚟嗌，希望一take過。」講到王浩信昨日拍攝外景時發生撞車意外，郭晉安說：「知道佢拍戲發生咗啲意外，有同佢聯絡過，佢好精神，冇嘢。」