【真．結婚？】楊怡聞籌備婚禮哈哈笑
20160223
東網電視
更多新聞短片
冇否認籌備結婚，唔通真係好事近？
藝人楊怡、陳瀅、雨僑、陳靜、連詩雅、鍾浠文、洪卓立、湯怡及陳家樂等出席活動，有指楊怡因要鋪路結婚生仔將不續約TVB，心情大靚的阿怡對此作出澄清，笑言身形仍然瘦削絕非有喜。至於續約問題，她說：「冇話過唔續，傾緊，四月完約，要好好計劃，希望輕鬆啲，想每次見大家都精神奕奕，唔係好攰咁。（成數高？）希望盡快有好消息。（有咩想爭取？人工？待遇？）人工當然要開心，但希望工作質素係好，試更多唔同嘢，希望爭取到好機會，所以人工係其次。」
想減產爭取休息
問到是否覺得之前角色重複？阿怡表示：「又唔係！都好大分別，但我希望演開心角色，拍吓喜劇，之前好多時係喊戲。（是否想減產，一年拍少啲？）希望唔使咁辛苦，年紀大喇！如果一劇接一劇，就算套劇好，人嘅身體唔好都唔得。」問到是否正籌備結婚？她哈哈大笑說：「如果真係有開心事會同大家講，我都想承你貴言，有好日子會宣布。」
唔知鍾嘉欣係咪有喜
對於有指鍾嘉欣有喜三個月，曾合作拍劇的楊怡表示新春期間有互相發送恭賀訊息，但未有八卦對方私生活，她笑說：「要八吓先！係就當然開心！知道嘉欣鍾意小朋友，但應該唔會啩？」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：