忙到甩轆　林峯冇得同女友過元宵

最近藝人林峯為個唱積極操肌減磅，操到塊面都凹晒，他出席活動時表示忙到爆，連昨晚元宵佳節亦没空慶祝，幸獲女友吳千語體諒：「工作重要吖嘛！（完全冇慶祝？）冇啦！連湯圓都唔食得！」問到工作忙碌，會否向女友請教美容護膚心得？他說：「有傾！當然女仔係熟悉啲，男仔最緊要落妝乾淨，以前我比較懶，冇乜理，好在質地唔差，依家真係覺得要keep喇！瞓覺同飲食都好緊要！（有愛心靚湯？）間中啦！（女友煲？）哈哈！咁我都應付到，有時可以自己做。」

專心工作　未諗婚期

提到多年前的緋聞女友鍾嘉欣傳有喜，阿峯表示兩人沒有聯絡，因此並不知情：「唔知係咪真，咁所有合作過同事有喜事都值得開心。（幾時到你？）我就冇咁快，過去兩年少咗作品推出，依家要努力演唱會，之後就忙番影視工作。」