「慳妹」鍾嘉欣帶3,600萬磚頭做嫁妝
形象「純過蒸餾水」的無綫花旦鍾嘉欣（Linda）突然秘婚，下嫁前無綫行政主席梁乃鵬的姪兒Jeremy，因肚凸凸被傳奉子成婚，更已懷有5個月身孕，雙喜臨門！現年31歲的她趕嫁40多歲、在溫哥華做脊醫的Jeremy，這名「筍盤」有良好事業基礎及家庭背景，加上是前無綫行政主席梁乃鵬的姪兒，在溫哥華本那比區（Burnaby）開設脊醫診所，年收入達百萬加幣（約570萬港元），月入約50萬港元，豐厚身家可謂令有「無綫慳妹」之稱的嘉欣增添無比安全感！
一個廣告袋百萬
Jeremy豪娶鍾嘉欣，婚後提供無憂生活，實則嘉欣的嫁妝分量亦相當強勁，帶着港、加共四層物業共值近3,600萬港元「金磚頭」出嫁！已入行12年的嘉欣，當年獲無綫以六位數字簽約為包薪藝人力捧，頻頻拍劇又深得廣告客戶喜愛，每年拍5個廣告已賺近300萬，其中一個纖體代言廣告更因以三點式作賣點，帶挈她賺百萬酬勞做代言人！
收入如雪球般滾滾來、貴為「星夢一姐」的她，2013年憑《巨輪》贏得馬來西亞視后，身價隨即狂升至10萬港元接一個商場騷，每年收入扣除無綫經理人佣金已高達7位數字，堪稱無綫「小金旦」！
小康之家出身的嘉欣目標明確，絕不亂花辛苦賺來的錢，養成慳妹性格。她曾自爆買靚袋會內疚，多年來只靠客戶贊助服裝，出入愛坐公共交通工具，近年成名後才偶有坐的士，連到台灣拍畢劇集後人人以為「萬歲」，事後她卻向眾人追收35元飯錢，慳到盡！她亦從不要求住好啲，拒補差價獨住酒店房作個人享受。
吼實海外再入市
戶口有入冇出，嘉欣所儲的「彈藥」全用在香港和祖家加拿大兩地買樓。早於2006年，出道僅兩年的她便購入首個物業，即將軍澳新都城，當年樓價為196萬，由其父母支付首期，雖然月供萬多元，但密密賺的嘉欣早已贖樓甩身。
事隔5年，她於2011年再度入市，購得同屋苑一個千呎單位，二話不說便一炮過豪擲550萬找數，零按揭，連息口都慳番！她購得單位穩作收租之用，大可印印腳做「包租婆」！
至於祖家溫哥華，她除了擁有市值約500萬港元的1,800呎大屋外，2013年又豪擲1,500萬港元，在當地的中半山Burnaby區買入一幢5,000平方呎、有前後花園的大宅，內有7間房和兩個車房，適合一家人共住，切合家中孻女嘉欣的顧家需要！
致富有道的嘉欣，早前受訪時直認在港、加兩地都有物業在手：「我有四層樓，香港嗰兩間係自己名，仲有兩間屋喺加拿大，一間係同爸爸聯名，另一間就同媽媽聯名。將來最想可以買多一間屋畀父母，亦想喺其他地方，例如新加坡等地買樓！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：